عالمی منڈی میں خام تیل کی قیمتوں میں کمی

 

عالمی منڈی میں خام تیل کی قیمتوں میں کمی، پاکستان میں گھی بحران کا خدشہ

عالمی سطح پر خام تیل کی قیمتوں میں کمی کا رجحان دیکھنے میں آیا ہے، جس کی بنیادی وجہ امریکہ اور یورپی یونین کے درمیان ممکنہ تجارتی جنگ کے خدشات ہیں۔ سرمایہ کاروں میں بڑھتی ہوئی بے چینی نے تیل کی منڈی کو براہ راست متاثر کیا ہے، جس کا اثر دیگر اشیائے ضروریہ بشمول گھی اور کوکنگ آئل کی قیمتوں پر بھی پڑنے کا امکان ہے۔

عالمی منڈی میں خام تیل کی قیمتوں میں کتنی کمی آئی؟

منگل کے روز عالمی مارکیٹ میں برینٹ کروڈ آئل کی قیمت 0.75 فیصد کمی کے بعد 68.69 ڈالر فی بیرل پر آ گئی، جبکہ امریکی ویسٹ ٹیکساس انٹرمیڈیٹ (WTI) خام تیل 0.76 فیصد کی کمی کے ساتھ 66.69 ڈالر فی بیرل میں فروخت ہوا۔ پیر کے روز بھی دونوں بینچ مارک تیل کی قیمتوں میں معمولی کمی ریکارڈ کی گئی تھی۔

قیمتوں میں کمی کی وجوہات

ماہرین کا کہنا ہے کہ امریکا اور یورپی یونین کے درمیان ابھرتی ہوئی تجارتی جنگ کے امکانات سے اقتصادی سرگرمیوں میں سست روی اور ایندھن کی طلب میں کمی کا خدشہ پیدا ہو گیا ہے، جس نے سرمایہ کاروں کو محتاط کر دیا ہے۔

پاکستان میں گھی اور کوکنگ آئل کی قیمتوں میں اضافے کا خطرہ

دوسری طرف پاکستان میں گھی اور کوکنگ آئل کی قیمتوں میں اضافہ متوقع ہے۔ پاکستان وناسپتی مینوفیکچرر ایسوسی ایشن نے خبردار کیا ہے کہ اگر حکومت نے ان کے مطالبات نہ مانے تو جمعہ کے بعد ملک بھر میں گھی ملیں بند کر دی جائیں گی۔

ایسوسی ایشن کا موقف

ایسوسی ایشن کے صدر عمر ریحان شیخ نے ایف بی آر کے اقدامات پر شدید ردعمل کا اظہار کرتے ہوئے کہا ہے کہ:

"یہ ہڑتال ایک دن کی نہیں بلکہ غیر معینہ مدت کی ہوگی، اور مذاکرات کی ناکامی کی صورت میں ملک بھر میں گھی اور کوکنگ آئل کی سپلائی معطل کر دی جائے گی۔"

صنعت کاروں کے تحفظات

• ایف بی آر کی طرف سے سیکشن 40 بی کے تحت گھی ملوں میں اہلکاروں کی تعیناتی

• ڈیجیٹل انوائسنگ اور دو لاکھ روپے تک بینک لین دین کی شرط

• کاروباری سرگرمیوں پر منفی اثرات اور خوف و ہراس