Pakistan aj ki khabar

 صدرِ مملکت،وزیراعظم اور وزیرداخلہ کی جانب سے باجوڑ میں سرحد پار سے دہشت گردوں کی دراندازی ناکام بنانے پر سکیورٹی فورسز کو خراجِ تحسین پیش کیا گیا۔ صدرِ مملکت آصف زرداری نے بھارت کی پشت پناہی میں سرگرم فتنہ الخوارج کے سرغنہ سمیت چار دہشت گردوں کے ہلاک کئے جانے کو قوم کے عزم و استقامت کی کامیابی قرار دیا۔ آصف زرداری نے کہا کہ بہادر سکیورٹی فورسز نے وطنِ عزیز کی سرحدوں کے دفاع میں ایک اور نمایاں کارنامہ انجام دیا ہے، وطن کے دفاع اور امن کے قیام کیلئے جانفشانی سے برسرپیکار سکیورٹی فورسز اور قانون نافذ کرنے والے اداروں کے جذبۂ قربانی کو خراجِ تحسین پیش کرتا ہوں۔ صدر مملکت کا کہنا تھا کہ دہشت گردی کے خلاف ’’عزمِ استحکام‘‘ کے تحت جاری آپریشن پاکستان کے پائیدار امن اور استحکام کی ضمانت ہے، پوری قوم اپنی مسلح افواج کے شانہ بشانہ کھڑی ہے اور فتنہ الخوارج کے مکمل خاتمے تک جدوجہد جاری رہے گی۔ وزیراعظم شہباز شریف نے ضلع باجوڑ میں انتہائی مطلوب خارجی سرغنہ سمیت 4 خارجیوں کو جہنم واصل کرنے پر سکیورٹی فورسز کو خراج تحسین پیش کیا اور کہا کہ سکیورٹی فورسز نے اپنی پیشہ ورانہ مہارت کی بدولت انتہائی...

 تہران میں وفاقی وزیر داخلہ محسن نقوی نے سپریم نیشنل سکیورٹی کونسل کے سیکرٹری علی اردشیر لاریجانی اور ایرانی ہم منصب سکندر مومنی سے الگ الگ ملاقات کی۔ سپریم نیشنل سکیورٹی کونسل آفس آمد پر سیکرٹری علی اردشیر لاریجانی نے وزیر داخلہ محسن نقوی کا خیر مقدم کیا۔ ملاقاتوں کے دوران پاک ایران تعلقات اور سکیورٹی تعاون بڑھانے پر تفصیلی تبادلہ خیال کیا گیا۔ انسداد دہشتگردی ، انسداد منشیات اور بارڈر مینجمنٹ کے حوالے سے بھی بات چیت کی گئی۔ ملاقات میں باہمی تعاون کے لئے مشترکہ روابط بڑھانے کی ضرورت پر زور دیا گیا۔ وفاقی وزیر داخلہ محسن نقوی نے کہا کہ سکیورٹی سمیت انسداد منشیات کے لئے ایران کے ساتھ تعاون بڑھانا چاہتے ہیں۔ سیکرٹری سپریم نیشنل سکیورٹی کونسل نے کہا کہ دوطرفہ تعلقات میں مثبت پیش رفت خوش آئند ہے۔  وزیر داخلہ محسن نقوی نے ای سی او وزارتی کانفرنس کے کامیاب انعقاد پر ایرانی ہم منصب سکندر مومنی کو مبارکباد دی۔ محسن نقوی نے کہا کہ رکن ممالک کے لئے یہ وزارتی کانفرنس دوررس نتائج کی حامل ہو گی،داخلی سلامتی سے متعلق امور پر ایک دوسرے کے تجربات سے فائدہ اٹھانا چاہتے ہیں۔ وزیر داخلہ محس...

 ٹی ٹوئٹی سیریز کے پہلے میچ میں پاکستان نے جنوبی افریقا کے خلاف ٹاس جیت کر فیلڈنگ کا فیصلہ کیا ہے۔ راولپنڈی میں شیڈول میچ میں ٹاس جیتنے والے قومی ٹیم کے کپتان سلمان آغا کا کہنا تھا کہ پنڈی میں نہیں معلوم مخالف ٹیم کتنے سکور پر روکا جا سکتا ہے۔ انہوں نے کہا کہ بابر اعظم اور نسیم شاہ ماضی میں میچ ونر رہے ہیں اور مستقبل میں بھی ہوں گے۔ ٹیم میں دو آل راؤنڈر شامل ہیں۔ ابرار احمد اور دو فاسٹ بولر بھی ٹیم کا حصہ ہیں جبکہ صائم ایوب اور وہ خود بھی بولنگ کرا سکتے ہیں۔

 شعبہ تعلقات عامہ کے مطابق جنرل ساحر شمشاد کی بنگلہ دیشی حکام سے ملاقاتوں میں علاقائی و عالمی سلامتی کی صورتحال اور باہمی دفاعی تعاون پر تفصیلی تبادلہ خیال کیا گیا۔ چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے بنگلہ دیش کے چیف ایڈوائرز سمیت عسکری حکام سے ملاقاتیں کیں جس میں دو طرفہ تعاون کو مزید وسعت دینے کے عزم کا اعادہ کیا گیا۔ آئی ایس پی آر کے مطابق چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے بنگلہ دیش کا سرکاری دورہ کیا جہاں انہوں نے چیف ایڈوائزر محمد یونس، چیف آف نیول اسٹاف، ائیر چیف مارشل حسن محمود خان اور پرنسپل اسٹاف آفیسر، آرمڈ فورسز ڈویژن لیفٹیننٹ جنرل قمرالحسن سے ملاقاتیں کی۔

 پی آئی اے کا پاکستان سے برطانیہ کے لئے فلائٹ آپریشن 5 سال بعد بحال ہوگیا۔ وزیردفاع خواجہ آصف نے قومی ایئرلائنز کا برطانیہ کیلئے فلائٹ آپریشن کی بحالی کا افتتاح کردیا۔  وزیر دفاع خواجہ آصف نے اسلام آباد میں اس حوالے سے منعقدہ تقریب سے خطاب کرتے ہوئے کہاکہ پی آئی اے پر پابندی سے قومی خزانے کو بھاری نقصان ہوا،برطانیہ میں مقیم پاکستانی کمیونٹی کو فلائٹ آپریشن کی بحالی سے فائدہ پہنچے گا۔  وزیر دفاع نے کہاکہ قومی ایئر لائن اپنا کھویا ہوا مقام دوبارہ حاصل کر رہی ہے،ہم نے پی آئی اے کے معیار کو بحال کیا ہے۔ یہ بھی پڑھیں:وزیر اعلیٰ سندھ کے مشیر اللّٰہ ڈنو خان بھیو کی بریت کیخلاف اپیل مسترد  خواجہ محمد آصف نے کہاکہ اب مانچسٹرہی نہیں پی آئی اے کے دیگر روٹس بھی بحال کئے جائیں گے،برطانوی ہائی کمشنر جین میرٹ کا برطانیہ کے لئے فلائٹ آپریشن کی بحالی میں کلیدی کردار ہے۔

 خیبرپختونخوا کے ضلع ہنگو میں پولیس چیک پوسٹ پر بارودی مواد کے دھماکے میں ایس پی سمیت 3 اہلکار شہید ہوگئے۔ پولیس کے مطابق پولیس چیک پوسٹ پر بارودی مواد کے پلے دھماکے میں 2 اہلکار شہید ہوگئے، ایس پی آپریشن اسدزبیر کے پہنچنے پر دوسرا دھماکا ہوا۔ تھانہ بلیامینہ کی حدود میں غلمینہ چیک پوسٹ کونامعلوم افراد نے بارودی مواد سے اڑایا، پولیس کی نفری موقع پر پہنچ کر تحقیقات کررہی ہے۔ دوسری جانب خیبر میں دہشت گردوں نے زیڑئی پولیس چیک پوسٹ پر حملہ کیا تاہم چیک پوسٹ رات کو خالی کیا جاتاہے اسلئے جانی نقصان نہیں ہوا، دھماکے کے بعد دہشت گردوں نے شدید فائرنگ بھی کی، چیک پوسٹ تھانہ حدود لنڈیکوتل میں پاک افغان شاہراہ پر واقع ہے

 وزیرِ اعظم شہباز شریف نے ملکی صنعت و زراعت کی ترقی کیلئے روشن معیشت بجلی پیکیج کا اعلان کردیا۔ وزیرِ اعظم شہباز شریف نے صنعتی و زرعی شعبے کے ماہرین و کاروباری برادری کے وفد سے ملاقات میں پیکیج کا اعلان کیا۔ پیکیج کے تحت صنعتوں اور کسانوں کو آئندہ تین سالوں (نومبر 2025 سے اکتوبر 2028) میں رعایتی قیمت پر اضافی بجلی فراہم کی جائے گی۔ وزیرِ اعظم نے کہا کہ صنعتی شعبے کو 34 روپے اور زرعی شعبے کو 38 روپے پر ملنے والے یونٹس کی قیمت کو خاطر خواہ کم کرکے اضافی یونٹس فراہم کیے جائیں گے، آئندہ تین برس میں پورا سال صنعتی و زرعی شعبے کو اضافی بجلی 22 روپے 98 پیسے فی یونٹ کی قیمت پر فراہم کی جائے گی۔ شہباز شریف نے کہا کہ روشن معیشت بجلی پیکیج کے تحت فراہم کی جانے والی بجلی کا بوجھ نہ تو گھریلو صارفین اور نہ ہی کوئی دیگر شعبہ اٹھائے گا، وزیر بجلی سردار اویس لغاری اور انکی ٹیم کی اس پیکیج کی تیاری کیلئے کاوشیں لائق تحسین ہیں۔ انہوں نے کہا کہ ملکی معیشت کی ترقی اور روزگار میں اضافے کیلئے صنعت و زراعت کی ترقی انتہائی ضروری ہے، ملکی صنعتوں اور زرعی شعبے کی خطے میں مسابقت بڑھانے اور کاروباری سہولیات ...

 امریکی صدر ڈونلڈ ٹرمپ نےکہا ہےکہ انہوں نے بھارتی وزیراعظم نریندر مودی کو بتادیا کہ پاکستان سے جنگ نہیں ہونی چاہیے۔ امریکی صدر نے اوول آفس میں دیوالی کی تقریب کے موقع پر صحافیوں سےگفتگو کرتے ہوئے کہا کہ ان کی بھارتی وزیراعظم سے ٹیلیفون پر بات ہوئی اور ان سے تجارت سمیت مختلف امور پر گفتگو کی۔ ٹرمپ نے کہا کہ ان کی بھارتی وزیراعظم مودی سے گفتگو ہوئی ہے جس میں خطے کی صورتحال اور روس یوکرین جنگ پر تبادلہ خیال کیاگیا۔ صدر ٹرمپ کا کہنا تھا کہ بھارت روس سے مزید تیل نہیں خریدے گا، بھارت نے تیل کی درآمد میں کمی کی ہے اور مزید کمی کا سلسلہ جاری رکھے ہوئے ہے۔ ٹرمپ نے مزید کہا کہ وہ جلد از جلد روس اور یوکرین کے درمیان جنگ کا خاتمہ چاہتے ہیں تاکہ خطے میں امن و استحکام بحال ہو سکے۔ صدر ٹرمپ کا کہنا تھا کہ وہ تجارت کے ذریعے معاملات حل کررہے ہیں اور انہوں نے ٹیلیفونک گفتگو کے دوران بھارتی وزیراعظم کو بتادیاکہ پاکستان سے جنگ نہیں ہونی چاہیے ۔ امریکی صدر ڈونلڈ ٹرمپ نے آج ایک اور بیان میں بھی پاکستان اور بھارت کی جنگ کا ذکر کیا، میڈیا سے گفتگو کرتے ہوئے ان کا کہنا تھا کہا کہ انہوں نے تجارت...

 فیلڈ مارشل سید عاصم منیر نے کہا ہے کہ بلوچستان پاکستان کا فخر ہے، باصلاحیت، محبِ وطن اور باہمت عوام ہی اس کا اصل سرمایہ ہیں،سول سوسائٹی بلوچستان کی ترقی میں اہم کردار ادا کر رہی ہے۔ پاک فوج کے شعبہ تعلقات عامہ آئی ایس پی آر کے مطابق فیلد مارشل عاصم منیر نے 17ویں نیشنل ورکشاپ بلوچستان کے شرکاء سے خطاب کیا جس میں ان کا کہنا تھا کہ وفاقی و صوبائی حکومتیں بلوچستان کی سماجی و معاشی ترقی کیلئے عوامی فلاح پر مبنی اقدامات کر رہی ہیں،بلوچستان کی معیشت میں بے پناہ امکانات موجود ہیں، ان مواقع سے عوامی فائدہ یقینی بنانا لازم ہے۔ فیلڈ مارشل عاصم منیرکا کہنا تھا کہ نوجوانوں کے کردار کو اجاگر کرنا اور انہیں بااختیار بنانا دیرپا ترقی کے لیے ناگزیر ہے،سول سوسائٹی بلوچستان کی ترقی میں اہم کردار ادا کر رہی ہے۔  انہوں نے کہا کہ بھارت کے حمایت یافتہ فتنہ الہندستان اور فتنہ الخوارج عوام دشمن و ترقی دشمن ایجنڈے پر کارفرما ہیں،دہشت گردی کے مکمل خاتمے تک کارروائیاں جاری رہیں گی۔ فیلڈ مارشل عاصم منیر نے مزید کہا کہ پاکستان امن و استحکام کا خواہاں ہے مگر ملکی سالمیت پر کسی بھی حملے کا سخت اور فیصلہ ک...

’خواب دیکھتے رہو‘، ٹرمپ کے ایرانی جوہری تنصیبات تباہ کرنے کے بیان پر آیت اللہ خامنہ ای کا ردعمل فوٹو: رائٹرز ایران کے سپریم لیڈر آیت اللہ علی خامنہ ای نے امریکی صدر ڈونلڈ ٹرمپ کی جانب سے مذاکرات کی بحالی کی پیشکش کو مسترد کردیا۔  غیر ملکی خبررساں ایجنسی کے مطابق آیت اللہ خامنہ ای نے ٹرمپ کے اس دعوے کی بھی تردید کی کہ امریکا نے ایران کی جوہری صلاحیتوں کو تباہ کر دیا ہے۔ ٹرمپ کی جانب سے ایرانی ایٹمی تنصیبات کو تباہ کرنے کے بیان پر آیت اللہ خامنہ ای نے کہا کہ ’امریکی صدر فخر سے کہتے ہیں کہ انہوں نے ایران کی جوہری صلاحیتوں کو تباہ کر دیا۔ بہت خوب، خواب دیکھتے رہو‘۔ انہوں نے مزید کہا کہ کیا یہ امریکا کا اختیار ہے کہ وہ طے کرے کہ ایران کے پاس جوہری تنصیبات ہوں یا نہ ہوں؟ آیت اللہ خامنہ ای نے مزید کہا کہ ’ٹرمپ خود کو معاہدہ کرنے والا شخص کہتے ہیں، لیکن اگر کوئی معاہدہ دباؤ، دھمکی اور پہلے سے طے شدہ نتائج کے ساتھ ہو تو وہ معاہدہ نہیں بلکہ مسلط کردہ جبر ہے‘۔ گزشتہ ہفتے صدر ٹرمپ نے اسرائیلی پارلیمان (کنیسٹ) میں خطاب کرتے ہوئے کہا تھا کہ امریکا کے لیے یہ اچھی بات ہوگی اگر وہ ایران کے ساتھ...

 نادرا نے بیرون ملک مقیم پاکستانیوں کے لیے قومی شناختی کارڈ(نائیکوپ) رکھنے والے پاکستانی شہریوں کو بڑی سہولت فراہم کردی، وفات پر کارڈ منسوخی کی فیس ختم کردی گئی۔ وفاقی وزیرداخلہ محسن نقوی کی ہدایت پر وفات کا بروقت اندراج یقینی بنانے کے لیے نیشنل ڈیٹابیس رجسٹریشن اتھارٹی نے نیشنل آئی ڈی کارد فار اورسیز پاکستانیز( نائیکوپ)رکھنے والے پاکستانی شہریوں کی وفات پر کارڈ منسوخی کی فیس ختم کر دی ہے۔ قریبی رشتے داروں اور اولاد میں سے کوئی بھی مرنے والی شخص کی وفات کے بعد نائیکوپ منسوخی کی درخواست دے سکتا ہے،سب سے پہلے متوفی کے والدین، بہن، بھائی (ایلفا فیملی) یا بیوی/ خاوند اور اولاد (بی ٹا فیملی) میں سے کوئی ایک فرد، متوفی کی وفات متعلقہ یونین کونسل یا پاکستانی سفارت خانے میں رجسٹرڈ کروائے گا۔ وفات کی رجسٹریشن کروانے کے بعد پاک آئی ڈی موبائل ایپ کے ذریعے یا قریبی نادرا مرکز میں جا کر نائیکوپ کی منسوخی کسی فیس کے بغیر کرائی جاسکتی ہے۔ نیشنل ڈیٹابیس رجسٹریشن اتھارٹی (نادارا) کی جانب سے متوفی کا نائیکوپ کارڈ جمع کروانے کی شرط بھی ختم کر دی گئی ہے۔

 وزیراعظم شہباز شریف اورصدر مملکت آصف علی زرداری کے درمیان اہم ملاقات آج ہو گی۔ ذرائع کے مطابق وزیراعظم اور صدر مملکت کی ملاقات میں اہم سیاسی امور زیر غور آئیں گے۔  ذرائع کے مطابق ایوان صدر میں ہونے والی اہم بیٹھک میں ملکی سیاسی صورتحال اور آزاد جموں و کشمیر کی سیاسی صورتحال پر بھی غور کیا جائے گا۔ ذرائع کاکہناہے کہ ملاقات میں پاکستان پیپلز پارٹی کے تحفظات اور مطالبات کا جائزہ بھی لیا جائے گا۔

 حکومتِ پاکستان نے مذہبی جماعت تحریک لبیک پاکستان (ٹی ایل پی) واقعے پر جعلی خبروں کے خلاف بڑا ایکشن شروع کر دیا۔  ذرائع کے مطابق فیک نیوز نیٹ ورکس بے نقاب کرکےمرکزی کرداروں کی فہرست تیار کر لی گئی،ملوث افراد کے خلاف این سی سی آئی اے کے تحت مقدمات درج ہوں گے،ایف آئی اے سائبر کرائم و دیگر خصوصی یونٹس کی جانب سے ملزمان کی فوری گرفتاریاں متوقع ہیں۔ ذرائع نے بتایا ہئے کہ اس سلسلے میں ڈیپ فیک لیب ایکٹو، جعلی ویڈیوز اور آڈیوز کی فارنزک جانچ جاری ہےجبکہ سوشل پلیٹ فارمز کو نوٹسز جاری کرنے کے سلسلہ کا بھی آغازہوچکا ہے۔ سوشل میڈیا سے فیک مواد 24 گھنٹے میں ہٹانے کی ہدایات کی گئی،سوشل میڈیا پر بار بار خلاف ورزی پر اکاؤنٹس کی مستقل معطلی کی سفارش بھی زیر غورہے۔ حکام نے خبردار کر دیا ہے کہ عوام محتاط رہیں ،غیر مصدقہ ویڈیوز یا کلپس شیئر کرنے پر کارروائی ہو سکتی ہے، حکام کے مطابق ریاستی اداروں کے خلاف نفرت انگیز جھوٹ پر زیرو ٹالرنس پالیسی نافذ کر دی گئی ہے،پراپیگنڈہ فیک نیوز کے پیچھے موجود اوورسیز نیٹ ورک کی ٹریسنگ شروع کرکےسفارت خانوں کے ذریعے سخت اقدامات کی تیاری بھی کی گئی ہے۔  ...

  امریکی صدر ڈونلڈ ٹرمپ مشرق وسطیٰ کے دورے پر روانہ ہوتے ہوئے کہا ہے کہ پاکستان اور افغانستان کے درمیان جنگ کا سامنا ہے جسے حل کرنے کی کوشش کروں گا۔ امریکی صدر ڈونلڈ ٹرمپ نے روانگی سے قبل میڈیا سے گفتگو کرتے ہوئے کہا کہ غزہ میں جنگ ختم ہوگئی ہے،غزہ کیلئے’’بورڈ آف پیس‘‘ جلد قائم کیا جائے گا، غزہ میں جنگ بندی برقرار رہے گی، یرغمالیوں کی رہائی مقررہ وقت سے کچھ پہلے ممکن ہے۔   ڈونلڈ ٹرمپ نے کہا کہ نیتن یاہو نے بہت اچھا کام کیا، قطر کو بھی کریڈٹ ملنا چاہئے، یوکرین جنگ ختم نہ ہوئی تو یوکرین کوٹوماہاک میزائل بھیج سکتا ہوں، پاکستان اور بھارت کی جنگ ٹیرف کی مدد سے روکی تھی۔   انہوں نے کہا میں نے سنا ہے اب پاکستان اور افغانستان کے درمیان جنگ چل رہی ہے، مجھے اسے واپس آکر دیکھنا ہوگا، میں پھر ایک اور کوشش کروں گا کیونکہ میں جنگیں حل کرنے میں ماہرہوں۔

 وزیراعظم شہباز شریف نے پاکستان کے سرحدی علاقوں میں افغان اشتعال انگیزی کی شدید مذمت کرتے ہوئے بھرپور اور مؤثر جوابی کارروائی پر پاک فوج کو خراج تحسین پیش کیاہے۔  وزیراعظم شہبازشریف نے کہاہے کہ افواج پاکستان کی پیشہ ورانہ مہارت پر فخر ہے،فیلڈمارشل عاصم منیر کی قیادت میں پاک فوج نےافغان اشتعال انگیزی کا بھرپور جواب دیااور متعدد پوسٹیں تباہ کر کےافغان فورسز کوپسپائی پر مجبور کردیا۔  وزیراعظم شہبازشریف نے کہاکہ پاکستان کے دفاع پر کوئی سمجھوتا نہیں ہو گا ، ہر اشتعال انگیزی کا بھرپور اور مؤثر جواب دیا جائیگا، ملک کا دفاع مضبوط ہاتھوں میں ہے، پاکستان کے چپے چپے کا دفاع کرنا خوب جانتے ہیں۔  وزیراعظم شہبازشریف نے کہاکہ پاک فوج نے ہمیشہ ہر قسم کی بیرونی جارحیت کا منہ توڑ جواب دیا،پوری قوم پاکستان کی سکیورٹی فورسز کے ساتھ کھڑی ہے،دہشت گرد تنظیموں کو افغانستان میں موجود عناصر کی حمایت حاصل ہے اور افغان سرزمین سے پاکستان کے خلاف کارروائیاں ہورہی ہیں۔ یہ بھی پڑھیں:افغانستان کی بلا اشتعال فائرنگ،پاک فوج کا منہ توڑ جواب ،اہم مرکز سمیت متعدد پوسٹیں تباہ، 19 پر قبضہ وزیراعظم شہبازش...

 وفاقی وزیر داخلہ محسن نقوی نے ڈی آئی خان میں پولیس ٹریننگ سینٹر پر خوارجی دہشتگردوں کے حملے کی مذمت کی ہے۔ محسن نقوی نے خوارجی دہشت گردوں کا مقابلہ کرتے ہوئے جامِ شہادت نوش کرنے والے 7 پولیس اہلکاروں کو خراجِ عقیدت پیش کیا ہے۔ اس حوالے سے محسن نقوی نے کہا ہے کہ پولیس اہلکاروں نے جان دے کر خوارجی دہشت گردوں کا حملہ ناکام بنایا۔ پولیس نے دلیری کے ساتھ خوارجی دہشت گردوں کا مقابلہ کیا اور ان کے مذموم عزائم کو خاک میں ملایا۔ وزیر داخلہ کا کہنا ہے کہ خیبرپختونخوا پولیس نے دہشت گردی کے خلاف جنگ میں لازوال قربانیاں دی ہیں۔ ان کا مزید کہنا ہے کہ قوم خیبرپختونخوا پولیس کے بہادر سپوتوں کو سلام پیش کرتی ہے۔

 پاکستان اور آئی ایم ایف مذاکرات ، سٹاف لیول معاہدے کیلئے ٹھوس پیشرفت،پاکستان نے قرض پروگرام پر عملدرآمد یقینی بنایا ہے ۔ تفصیلات کے مطابق پاکستان اور آئی ایم ایف کے درمیان مذاکرات اختتام پذیر ہو گئے، آئی ایم ایف مشن چیف ایوا پیٹرو وا نے اعلامیہ جاری کر دیا۔  پاکستان اور آئی ایم ایف کے درمیان دوسرے جائزہ مذاکرات 24 ستمبر سے 8 اکتوبر تک ہوئے، پاکستان نے اسٹاف لیول معاہدے کے لیے پیش رفت کی ہے ۔ ایوا پیٹرو وا کے مطابق پاکستان کے ساتھ پالیسی لیول مذاکرات جاری رہیں گے، حل طلب امور پر بات چیت جاری رہے گی، پاکستان نے قرض پروگرام پر عملدرآمد یقینی بنایا ہے۔ یہ بھی پڑھیں:اہم بیٹھک،’’سیز فائر‘‘ کا فیصلہ آئی ایم ایف نے کہا کہ مذاکرات میں کئی معاملات پر ٹھوس پیش رفت ہوئی، مالی نظم و ضبط کو برقرار رکھتے ہوئے سیلاب متاثرین کی بحالی میں مدد فراہم کرنے پر بات چیت کی گئی۔ آئی ایم ایف کے مطابق اسٹیٹ بینک نے سخت مانیٹری پالیسی کے ذریعے مہنگائی کو مقررہ ہدف میں رکھا ، ٹیرف ایڈجسٹمنٹ کے ذریعے توانائی سیکٹر میں اصلاحات کی گئیں۔ 

  صدرِ مملکت آصف علی زرداری نے قومی یومِ استقامت کے موقع پر قوم کے نام اپنے پیغام میں کہا ہے کہ 8 اکتوبر ہمیں 2005 کے اُس تباہ کن زلزلے کی یاد دلاتا ہے، جب پوری قوم نے یکجہتی اور عزم کے ساتھ قدرتی آفات کا مقابلہ کیا۔ صدرِ مملکت نے کہا کہ یہ زلزلے کی بیسویں برسی ہے، اور آج پاکستان ایک زیادہ مضبوط، زیادہ متحد اور پُرعزم قوم کے طور پر تابناک مستقبل کی تعمیر کی جانب بڑھ رہا ہے۔    ان کا کہنا تھا کہ اصل طاقت مشکلات سے بچنے میں نہیں بلکہ اُنہیں ایمان، اتحاد اور جدت کے ساتھ عبور کرنے میں ہے۔  صدر زرداری نے کہا کہ اسی سال ملک نے ایک اور تباہ کن مون سون سیلاب کا سامنا کیا، جس میں بے شمار لوگ بے گھر ہوئے اور زراعت، بنیادی ڈھانچے، خدمات اور روزگار کے شعبوں کو بھاری نقصان پہنچا۔   انہوں نے کہا کہ پاکستان کا ڈیزاسٹر مینجمنٹ فریم ورک اب عالمی سطح پر ایک نمایاں ماڈل کے طور پر تسلیم کیا جا رہا ہے، تاہم بار بار آنے والی آفات اس بات کا تقاضا کرتی ہیں کہ تیاری اور پائیدار ترقی کے عمل کو مزید مضبوط کیا جائے۔   صدر مملکت نے تمام اسٹیک ہولڈرز پر زور دیا کہ وہ باہمی تعاون سے آفات...

 وزیراعظم محمد شہباز شریف ملائیشیاء کا سرکاری دورہ مکمل کرکے پاکستان روانہ ہوگئے۔ وزیراعظم کو الوداع کہنے کے لیے ملائیشیاء کے وزیراعظم داتو سری انور ابراہیم خود کوالالمپور کے بنگا رایا ایئرپورٹ پر آئے،اس دورے کے دوران غیر معمولی گرم جوشی دیکھنے میں آئی۔ قبل ازیں وزیراعظم کی ملائیشیاء آمد پر بھی ملائیشیاء کے وزیراعظم داتو سری انور ابراہیم وزیراعظم پاکستان کو ان کی رہائش گاہ پر خوش آمدید کہنے کے لئے موجود تھے۔ ملائیشیاء کے وزیراعظم نے شہباز شریف کو ان کے دورہ ملائیشیاء کی تصاویر پر مبنی یادگاری البم بھی پیش کی۔ وزیراعظم کو ان کی رہائش سے ائیرپورٹ تک غیر معمولی سرکاری پروٹوکول دیا گیا۔ کوالالمپور کے بنگا رایا بین الاقوامی ہوائی اڈے ملائیشیاء کے وزیراعظم داتو سری انور ابراہیم، ملائیشیاء میں تعینات پاکستان کے ہائی کمشنر سید احسن رضا اور سفارتی عملے نے وزیراعظم کو رخصت کیا۔

 سابق سینیٹر مشتاق احمد کی اسرائیلی حراست سے رہائی کے معاملے پر دفتر خارجہ نے اہم پیشرفت سے آگاہ کر دیا۔ ترجمان دفتر خارجہ کے مطابق پاکستان کی وزارت خارجہ، اردن کے دارالحکومت عمّان میں موجود اپنے سفارت خانے کے ذریعے سابق سینیٹر مشتاق احمد خان کی بحفاظت واپسی کے لیے انتھک کوششیں کر رہی ہے۔ ترجمان نے بتایا کہ برادر ملک اردن کی حکومت کے قیمتی تعاون سے ہمیں امید ہے کہ یہ عمل آئندہ چند روز میں کامیابی سے مکمل ہو جائے گا۔ دفتر خارجہ کے ترجمان نے کہا کہ ہم اردن کی برادر حکومت کے مثالی تعاون اور فراخدلانہ حمایت پر تہہ دل سے شکر گزار ہیں۔

 وزیراعظم شہباز شریف نےفلسطین سے متعلق اپنے بیان میں کہا الحمدللہ! جنگ بندی پہلے سے زیادہ قریب ہے،پاکستان ہمیشہ فلسطینی عوام کے ساتھ کھڑا رہا اور رہے گا۔ وزیراعظم شہبازشریف نے غزہ امن معاہدے پرصدر ٹرمپ اورمسلم قیادت کی کوششوں کو سراہتےہوئے کہا قطر،سعودی عرب،یو اے ای،ترکی،اردن،مصر،انڈونیشیاکاشکریہ،ان ممالک نے اقوام متحدہ اجلاس کےدوران صدرٹرمپ سے ملاقات کی۔ وزیراعظم شہبازشریف نےکہا حماس کابیان جنگ بندی کی نئی امید پیدا کررہا ہے،ہمیں اس موقع کو ضائع نہیں ہونےدینا چاہیے،پاکستان شراکت دار اور برادر ممالک سے ملکر امن کوششیں جاری رکھےگا، انشاء اللہ، فلسطین میں پائیدار امن ہمارا مقصد ہے۔   یہ بھی پڑھیں:بس بہت ہوا؟عمر ایوب اور شبلی فرازنے بڑاقدم اٹھالیا واضح رہےکہ امریکی صدرڈونلڈ ٹرمپ کےبیس نکاتی امن منصوبے پرحماس کا جواب آگیا،قطری ثالثوں کوحماس کی جانب سےغزہ پلان پرباضابطہ جواب موصول ہوگیامزاحمتی تنظیم تمام یرغمالیوں کی رہائی اور لاشیں حوالےکرنےپرتیارہوگئی،ثالثوں کےذریعے فوری طورپرمذاکرات میں شامل ہونےپر آمادگی ظاہر کردی ہے،حماس نےٹونی بلیئر کےکردار کو مسترد کرتےہوئے موقف اپنایا کہ ...

 وزیر خارجہ اسحاق ڈار نے کہا ہے کہ امریکی صدر ڈونلڈ ٹرمپ نے جن 20 نکات کا اعلان کیا ہے وہ ہمارے نہیں ہیں۔ قومی اسمبلی کے اجلاس میں اظہار خیال کرتے ہوئے انہوں نے کہا کہ ٹرمپ نے غزہ معاملے کے لیے اہم نکات پیش کیے، غزہ میں جنگ بندی کے لیے صدر ٹرمپ کی آرا کا خیر مقدم کیا گیا۔ اسحاق ڈار کا کہنا ہے کہ صدر ٹرمپ سے غزہ میں جنگ بندی کے ایک نکاتی ایجنڈے پر بات ہوئی، غزہ میں مکمل جنگ بندی ضروری ہے۔ یہ بھی پڑھیں:میچ ریفری اینڈی پائی کرافٹ کے حوالےسے بھارت اپنی اصلیت دکھانے لگا انہوں نے کہا کہ غزہ میں امن قائم کرنے کے لیے یو این ناکام ہو چکا، غزہ میں لوگ بھوک سے فوت ہو رہے ہیں، فلسطین اور غزہ کا مسئلہ سب سے زیادہ تکلیف دہ ہے۔ وزیر خارجہ کا کہنا ہے کہ اقوام متحدہ، یورپی یونین اور دوسرے عالمی ادارے غزہ میں خونریزی بند کرانے میں ناکام ہو چکے ہیں، وزیر اعظم نے یو این اسمبلی میں اسرائیل کا نام لے کر مذمت کی۔

 وفاقی بیوروکریسی میں تقرر و تبادلے کئے گئے ہیں، اسٹیبلشمنٹ ڈویژن نے نوٹیفکیشنز جاری کردئیے۔   جاری کردہ مختلف نوٹیفکیشنز کے مطابق پاکستان ایڈمنسٹریٹو سروس، گریڈ 21 کے او ایس ڈی، اسٹیبلشمنٹ ڈویژن علی حسین ملک کو ایڈیشنل سیکریٹری سینٹ سیکریٹریٹ تعینات کیا گیا ہے جبکہ اسٹیبلشمنٹ ڈویژن میں او ایس ڈی سیکریٹریٹ گروپ، گریڈ 20 کے راجہ تنویر عزمی کو جوائنٹ سیکریٹری نیشنل فوڈ سیکیورٹی ڈویژن تعینات کیا گیا ہے۔ مزید براں پاکستان ایڈمنسٹریٹو سروس، گریڈ 18 کے افسر طاہر جاوید چیمہ کا سندھ سے پنجاب حکومت تبادلہ کیا گیا ہے۔ علاوہ ازیں، سیکشن آفیسر مبین احمد کا نیشنل فوڈ سیکیورٹی ڈویژن سے آئی ٹی ڈویژن تبادلے کا نوٹیفکیشن منسوخ کیا گیا ہے۔ دوسری جانب وزارت داخلہ اور وزارت خزانہ میں بھی افسران کی تعیناتیاں عمل میں لائی گئی ہیں، اسٹیبلشمنٹ ڈویژن میں تقرری کے منتظر شہاب الدین اور عثمان علی، دونوں سیکشن افسران کو وزارت داخلہ و نارکوٹکس کنٹرول ڈویژن میں تعینات کیا گیا ہے جبکہ آڈٹ آفیسر اے جی پی آفس سعید اختر کو سیکشن افسر خزانہ ڈویژن تعینات کیا گیا ہے۔ 

 دبئی میں جائیداد کی خرید و فروخت میں اضافہ ہوا ہے، سال کے ابتدائی 9 ماہ میں 495.87 ارب درہم کے سودے ہوئے۔ جنوری تا ستمبر دبئی میں پراپرٹی مارکیٹ کا حجم 38.01 کھرب روپے ریکارڈ کیا گیا، دبئی کے علاقے بزنس بے میں سب سے زیادہ 13.10 ارب درہم کے فلیٹس فروخت ہوئے۔ برج خلیفہ کے اطراف میں 8.14 ارب درہم کے سودے ہوئے، جمیرا ولیج سرکل میں 7.89 ارب درہم کے 7,185 نئے فلیٹس فروخت کیے گئے۔ اس عرصے میں دبئی میں 1 لاکھ 26 ہزار 345 یونٹس، 9 ہزار 736 عمارتیں اور 21 ہزار 221 زمینیں فروخت ہوئی ہیں۔